4.2.2 വൈക്കം സത്യാഗ്രഹം

വൈക്കം സത്യാഗ്രഹത്തിന്റെ മുഖ്യനേതാവ് ആര്?
(A) ടി.കെ. മാധവൻ 

(B) കെ. കേളപ്പൻ

(C) എ.കെ. ഗോപാലൻ
(D) മന്നത്തു പത്മനാഭൻ

2019  Ayurveda Therapist  (NCA M) -Idukki -Indian System of Medicine
Date of Test : 06/04/2019

വൈക്കം സത്യാഗ്രഹം.
(1924 മാർച്ച് 30 - 1925 നവംബർ 23).
━━━━━━━━━━━━━━━━━━━━━━━━
◼ഇന്ത്യയിൽ അയിത്തോച്ചാടനത്തിനെതിരെയുള്ള ആദ്യ സംഘടിതസമരം.

◼വൈക്കം സത്യാഗ്രഹത്തിന്റെ നേതാവ് = TK മാധവൻ.

◼വൈക്കം സത്യാഗ്രഹസമരസമിതി സെക്രട്ടറി = K കേളപ്പൻ.

◼1923ലെ മൗലാന മുഹമ്മദലി അധ്യക്ഷനായ കാക്കിനഡ കോൺഗ്രസ് സമ്മേളനത്തിൽ
വൈക്കം സത്യാഗ്രഹപ്രമേയം അവതരിപ്പിച്ചത് = TK മാധവൻ.

◼വൈക്കം സത്യാഗ്രഹത്തിന്റെ മുഖ്യ ലക്ഷ്യം = "വൈക്കം മഹാദേവ ക്ഷേത്രത്തിലേക്കുള്ള പൊതുവഴികളിലൂടെ സഞ്ചരിക്കാൻ സർവ്വജനവിഭാഗങ്ങൾക്കും അനുവാദം നൽകുക".

◼വൈക്കം സത്യാഗ്രഹത്തിന് നേതൃത്വം നൽകിയവർ:ടി കെ മാധവൻ, കെ കേളപ്പൻ, സി വി കുഞ്ഞിരാമൻ, കെ പികേശവമേനോൻ

✔പ്രധാന വസ്തുതകൾ.
─────────────────
◼മധ്യതിരുവിതാംകൂറിൽ വേമ്പനാട്ട് കായലിന്റെ കിഴക്കേക്കരയിൽ (കോട്ടയം ജില്ല) സ്ഥിതി ചെയ്യുന്ന വൈക്കം മഹാദേവക്ഷേത്രത്തിന് ചുറ്റുമുള്ള പൊതുവീഥികളിൽ അവർണ്ണർക്ക് സഞ്ചാരസ്വാതന്ത്ര്യം ഇല്ലായിരുന്നു.

◼ഈ വീഥികളിൽ "അയിത്ത ജാതിക്കാര്‍ക്ക് പ്രവേശനം ഇല്ല"എന്നെഴുതിയ ബോര്‍ഡ് സ്ഥാപിച്ചിരുന്നു.

◼അവർണ്ണർക്ക് യാത്ര ചെയ്യാൻ ക്ഷേത്രത്തിന് പുറത്ത് ചുറ്റിവളഞ്ഞ ദീർഘമായ പാത ഉണ്ടായിരുന്നു.

◼1865ൽ തിരുവിതാംകൂറിലെ പൊതുനിരത്തുകൾ ജാതിമതഭേദമന്യെ ഏവർക്കും ഉപയോഗിക്കാം എന്ന് തിരു.സർക്കാർ ഉത്തരവിട്ടു.

◼എന്നാൽ പിന്നീട് വൈക്കം ക്ഷേത്രത്തിന് ചുറ്റുമുള്ള വഴി ഗ്രാമവീഥികളാണെന്ന് ഹൈക്കോടതി വിധിച്ചു.ആ വഴി അവർണ്ണർക്ക് വീണ്ടും അപ്രാപ്യമായി. വീഥികളിൽ പോലിസിനെ കാവൽ നിർത്തി.

◼ദളവാക്കുളം കൂട്ടക്കൊല: 1806ൽ ഒരു സംഘം അവർണ്ണ യുവാക്കൾ വൈക്കം ക്ഷേത്രത്തിൽ പ്രവേശിക്കാൻ തീരുമാനിച്ചു.ഈ വിവരം ക്ഷേത്രാധികാരികൾ വഴി തിരു.രാജാവ് ബാലരാമവർമ്മ അറിഞ്ഞു. വേലുത്തമ്പി ദളവയുടെ നിർദ്ദേശപ്രകാരം രാജഭടൻമാർ, ക്ഷേത്രത്തിലേക്ക് സഞ്ചരിച്ച അവർണ്ണ യുവാക്കളെ കൊലപ്പെടുത്തി ക്ഷേത്രത്തിന്റെ കിഴക്കേനടയിലെ കുളത്തിൽ തള്ളി.ഈ സംഭവത്തെ തുടർന്ന് ആ കുളം ദളവാക്കുളം എന്നറിയപ്പെട്ടു.

◼1924 Feb 28ന് എറണാകുളത്ത് രൂപീകരിച്ച അസ്പർശ്യതാ നിർമ്മാർജ്ജനസമിതിയുടെ നേതൃത്വത്തിൽ വിലക്കപ്പെട്ട വീഥികളിലൂടെ ജാഥ നടത്താൻ TK മാധവന്റെ നേതൃത്വത്തിൽ തീരുമാനിച്ചു.

◼എന്നാലിത് വർഗ്ഗീയ കലാപമെന്ന് പറഞ്ഞ് മജിസ്ട്രേറ്റ് ഈ ജാഥയ്ക്ക് നിരോധനാജ്ഞ ഏർപ്പെടുത്തി.

◼ഇതോടെ അസ്പർശ്യതാ നിർമ്മാർജ്ജനസമിതി മറ്റൊരു പ്ലാൻ കൊണ്ടുവന്നു: "സമിതിയിലെ എല്ലാ അംഗങ്ങളും വീഥിയിലെ നിരോധനമെഴുതിയ ബോർഡിനടുത്ത് എത്തിയ ശേഷം 3 വ്യത്യസ്ത ജാതിയിൽപെട്ടവരെ വിലക്കുള്ള വഴിയിൽ കടത്തിവിടുക".

◼ആദ്യദിനം ഈഴവ-നായർ-പുലയ വിഭാഗങ്ങളിലെ 3 പേർ ഈ വഴിയിലൂടെ കടന്ന് പോയെങ്കിലും, വഴിമധ്യേ പോലീസ് തടഞ്ഞു. കൂട്ടത്തിലെ രണ്ട് അവർണ്ണരെ തിരിച്ചയയ്ക്കാൻ ശ്രമിച്ചു.എന്നാൽ മൂവരും ഒന്നിച്ചതോടെ പോലീസ് അവരെ അറസ്റ്റ് ചെയ്തു.

◼ഇതിൽ പ്രതിഷേധിച്ച് സമിതി ദിവസവും സത്യാഗ്രഹം തുടങ്ങി. April 7 ന് TK മാധവൻ, KP കേശവമേനോൻ എന്നിവരെ അറസ്റ്റ് ചെയ്തു.

◼സത്യാഗ്രഹികൾക്ക് പഞ്ചാബിൽ നിന്നെത്തിയ അകാലിസംഘം സൗജന്യഭക്ഷണം നൽകി.

◼തമിഴ്നാട്ടിൽ നിന്ന് EV രാമസ്വാമി നായ്ക്കർ വന്ന് സത്യാഗ്രഹത്തിൽ പങ്കടുത്ത് അറസ്റ്റ് വരിച്ചു.

◼1924 Sep 24 ന് ശ്രീനാരായണഗുരു വൈക്കം സത്യാഗ്രഹസ്ഥലം സന്ദർശിച്ചു.

◼വൈക്കം സത്യാഗ്രഹത്തിനോട് ശ്രീനാരായണഗുരുവിന്റെ പ്രതികരണം: നിരോധനമുള്ള വഴിയിൽ പ്രവേശിച്ച് പ്രത്യാഘാതം നേരിടുക. അടിച്ചാൽ തിരിച്ചടിക്കരുത്. പക്ഷേ മുൻപിൽ ഒരു മതിലുണ്ടെങ്കിൽ അത് ചാടിക്കടക്കുക. ക്ഷേത്രത്തിലെ നിവേദ്യം കഴിക്കുക, പന്തിഭോജനത്തിൽ ഏവർക്കുമൊപ്പം ഇരിക്കുക.

◼ശ്രീനാരായണഗുരുവിന്റെ വൈക്കത്തുള്ള വെല്ലൂർ മഠം സത്യാഗ്രഹ ആശ്രമമാക്കി.

◼സവർണ്ണരുടെ പിന്തുണയും വൈക്കം സത്യാഗ്രഹത്തിന്റെ വിജയത്തിന് ആവശ്യമാണെന്ന് ഗാന്ധിജി നിർദ്ദേശിച്ചു.

◼തുടർന്ന് മന്നത്ത് പത്മനാഭൻ, S പത്മനാഭമേനോൻ, SK നാരായണപിള്ള എന്നിവരുടെ നേതൃത്വത്തിൽ 500 പേരടങ്ങിയ സവർണ്ണ പദയാത്ര, 1924 Nov.1ന് വൈക്കം മുതൽ തിരുവനന്തപുരം വരെ സഞ്ചരിച്ചു.

◼അന്ന് തന്നെ ശുചീന്ദ്രത്ത് നിന്ന് തിരുവനന്തപുരത്തേക്ക് പെരുമാൾനായിഡു,ശിവതാണുപിള്ള എന്നിവർ നയിച്ച മറ്റൊരു ജാഥ എത്തി.

◼രണ്ട് ജാഥകളും തലസ്ഥാനത്ത് സന്ധിച്ച് 25000 സവർണ്ണർ ഒപ്പിട്ട മെമ്മോറാണ്ടം റീജന്റ് സേതുലക്ഷ്മീഭായിക്ക് സമർപ്പിച്ചു.വൈക്കം ക്ഷേത്രത്തിന് ചുറ്റുമുള്ള വഴികൾ ജാതിമത ഭേദമന്യെ സകലർക്കും തുറന്ന് കൊടുക്കണമെന്നതായിരുന്നു മെമ്മോറാണ്ടത്തിലെ ഉള്ളടക്കം.

◼റാണി ഇത് നിയമനിർമ്മാണ സഭയ്ക്ക് വിട്ടു. N കുമാരൻ അവതരിപ്പിച്ച ഈ പ്രമേയം പക്ഷേ പരാജയപ്പെട്ടു.

◼പിന്നീട് വൈക്കത്തെ പ്രമാണിമാരുടെ നേതാവായ ഇണ്ടൻതുരുത്തിൽ നമ്പൂതിരിയുടെ നേതൃത്വത്തിൽ, വൈക്കം ക്ഷേത്രപരിസരത്ത് വച്ച് അവർണ്ണരെ ക്രൂരമായി മർദ്ദിച്ചു.

◼തിരുവല്ല ചിറ്റേടത്ത് ശങ്കുപ്പിള്ളയെ മർദ്ദിച്ച് കൊന്നു. ഇദ്ദേഹമാണ് വൈക്കം സത്യാഗ്രഹത്തിലെ ആദ്യ രക്തസാക്ഷി.

◼1925 march 10 ന് മഹാത്മാഗാന്ധി വൈക്കം സന്ദർശിച്ചു.ഇതോടെ സമരത്തിന് ദേശീയശ്രദ്ധ കൈവന്നു.

◼പ്രമാണിനേതാവായ വൈക്കം ഇണ്ടത്തുരുത്തി നമ്പൂതിരിയുമായി ഗാന്ധി ചർച്ച നടത്തിയെങ്കിലും പ്രമാണിമാർ വഴങ്ങിയില്ല.

◼തുടർന്ന് സത്യാഗ്രഹം ശക്തമായി. സത്യാഗ്രഹികൾക്കെതിരെയുള്ള സവർണ്ണരുടെ അക്രമവും വർദ്ധിച്ചു.

◼സത്യാഗ്രഹികൾക്കെതിരെയുള്ള ആക്രമണങ്ങൾക്ക് അറുതി വരുത്തണമെന്ന് ഗാന്ധി തിരു.പോലീസ് കമ്മീഷണർ WH പിറ്റിനോട് അഭ്യർത്ഥിച്ചു.

◼ഒടുവിൽ 1924 ഫെബ്രുവരിയിലെ നിരോധനാജ്ഞ പിൻവലിക്കാമെന്ന് സർക്കാരും, എങ്കിൽ സത്യാഗ്രഹം നിർത്താമെന്ന് ഗാന്ധിജിയും സമ്മതിച്ചു.

◼1925 നവംബർ 23ന് വൈക്കം ക്ഷേത്രത്തിന്റെ കിഴക്കേ നട ഒഴികെയുള്ള 3 വീഥികൾ എല്ലാവർക്കുമായി തുറന്നു കൊടുത്തു.അങ്ങനെ 20 മാസം നീണ്ട വൈക്കം സത്യാഗ്രഹത്തിന് (603 Days) അവസാനമായി.

◼എന്നാൽ കിഴക്കേനടയിലുള്ള വഴി അവർണ്ണർക്ക് തുറന്ന് കിട്ടാൻ 1936ലെ ക്ഷേത്രപ്രവേശന വിളംബരം വരെ കാത്തിരിക്കേണ്ടി വന്നു.

◼1853ല്‍ തന്നെ ആറാട്ടുപുഴ വേലായുധപ്പണിക്കര്‍ ജാതിവിലക്കു ലംഘിച്ച് വൈക്കം ശിവക്ഷേത്രത്തിനുള്ളില്‍ കടന്നുകയറി ക്ഷേത്രരീതികള്‍ മനസ്സിലാക്കി.

◼വൈക്കം സത്യാഗ്രഹം ആരംഭിച്ച 1924ലാണ് '99ലെ' വെളളപ്പൊക്കം ഉണ്ടായത്.

◼വെണ്മലൈനാട് എന്നറിയപ്പെട്ടിരുന്ന പഴയ നാട്ടുരാജ്യത്തിന്റെ ഭാഗമായിരുന്നു പുരാതനകാലത്ത് വൈക്കം. വെണ്‍മലൈനാട് പിന്നീട് വടക്കുംകൂര്‍, തെക്കുംകൂര്‍ എന്ന് രണ്ടായി പിരിഞ്ഞപ്പോള്‍ വൈക്കം വടക്കുംകൂര്‍ രാജവംശത്തിന്റെ അധികാരത്തില്‍പ്പെട്ട പ്രദേശമായി.