malayalam sandhi സന്ധി part 2

LDC തിരുവനന്തപുരം 2013

1. തന്നിട്ടുള്ളവയിൽ ആഗമസന്ധിക്ക് ഉദാഹരണം ഏത്?
a) കാടെരിഞ്ഞു   b) നെന്മണി 

c) പച്ചത്തത്ത      d) തിരുവോണം 

Ans: d) തിരുവോണം 





ആഗമ സന്ധി

രണ്ടു വർണ്ണം ചേരുമ്പോൾ ഒരു വർണ്ണം പുതുതായി വന്നു ചേരുന്നത് (സന്ധിക്കുന്ന വർണ്ണങ്ങൾക്കിടയിൽ മൂന്നാമതൊരു വർണ്ണം ആഗമിക്കുന്നതാണ്‌ ആഗമസന്ധി.) ആഗമിക്കുന്ന വർണ്ണത്തെയോ വർണ്ണസമൂഹത്തെയോ സന്ധായകവർണ്ണമെന്നോ ഇടനിലയെന്നോ വിളിക്കുന്നു.

പിരിച്ചെഴുതുക

1.തിരുവോണം 

2.അവൻ 

3.കരിങ്കുരങ് 

4.കൈയാമം 

തിരു + ഓണം = തിരുവോണം (വ് ആഗമിച്ചു) അ + അൻ = അവൻ (വ് ആഗമിച്ചു) കരി + കുരങ്ങ് = കരിങ്കുരങ് (ങ് ആഗമിച്ചു) കൈ + ആമം = കൈയാമം (യ് ആഗമിച്ചു)

സ്വരങ്ങൾ തമ്മിൽ ചേരുമ്പോഴുണ്ടാകുന്ന വിവൃത്തി(hiatus) പരിഹരിക്കാൻ 'യ' 'വ' ഇതില്‍ ഏതെങ്കിലും ഒന്നാണ് മിക്കവാറും കൂടുതലായി വന്നുചേരുന്നത്. (ആഗമിക്കുന്നു). സന്ധിക്കുന്ന സ്വരങ്ങളുടെ സ്വഭാവത്തെ ആശ്രയിച്ചാണ്‌ യകാരവകാരാദികൾ ആഗമിക്കുന്നത്.

പ്രത്യേകം ശ്രദ്ധിക്കുക

പിരിച്ചെഴുതുമ്പോള്‍( 'യ' 'വ' )
ഇവ ഇല്ലാതിരിക്കുകയും 
ചേര്‍ത്തെഴുതുമ്പോള്‍  
'യ' 'വ' ഇതില്‍ ഏതെങ്കിലും 
ഒന്ന് കാണുകയും 
ചെയ്യുന്നത് ശ്രദ്ധിക്കുക.

പിരിച്ചെഴുതുക

5. അവിടം   

6. ഈയാള്‍  

7.തിരുവോണം   

8.കലപ്പയില്‍     

9.ആയി  

9.കണ്ടവര്‍   

10.നോക്കുന്നവന്‍   

11.തിരുവനന്തപുരം

12.പനയോല

13.അണിയറ

5.അ + ഇടം = അവിടം - 'വ' 6.ഈ + ആള് = ഈയാള് - 'യ' 7.തിരു + ഓണം = തിരുവോണം - 'വ' 8.കലപ്പ + ഇല് = കലപ്പയില് - 'യ' 9.ആ + ഇ = ആയി - 'യ' 10.കണ്ട + അര് = കണ്ടവര് - 'വ' 11.നോക്കുന്ന + അന് = നോക്കുന്നവന് - 'വ' 12.തിരു + അനന്തപുരം = തിരുവനന്തപുരം-വ' 13.പന + ഓല = പനയോല-- 'യ' 14.അണി + അറ = അണിയറ-'യ'

മറ്റു 

വർണങ്ങളും 

സ്വരസംയോഗത്തിൽ ആഗമിക്കാറുണ്ട്.

ഉദാ:-   കാട്ടി + ഏൻ 

=കാട്ടിനേൻ- നേ

മലയാളത്തിൽ 

ചില 

പദച്ചേർച്ചയിൽ വിവൃത്തിപരിഹാരം, ഉച്ചാരണസൗകര്യം 

ഇവ ഉദ്ദേശിച്ച് ഒര്‌, അൻ തുടങ്ങിയ ഇടനിലകൾ ചേർക്കാറുണ്ട്.

പോയ + ആന > പോയ + ഒര്‌ + ആന = പോയൊരാന

വക്കീൽ + മാർ > വക്കീൽ +അൻ+ മാര് ‍= വക്കീലന്മാർ

ആദേശസന്ധി

രണ്ടു വർണ്ണം ചേരുമ്പോൾ ഒരു വർണ്ണം പോയിട്ട്(സവർണ്ണനം) അതിന്റെ സ്ഥാനത്ത് മറ്റൊരു വർണ്ണം വന്നു ചേരുന്നത്

പിരിച്ചെഴുതുക

14.നന്മ (ൽ വർണ്ണം പോയി ൻ വർണ്ണം വന്നു)

15.കണ്ടു 

16.നിലവറ 

നൽ + മ = നന്മ (ൽ വർണ്ണം പോയി ൻ വർണ്ണം വന്നു) കൺ + തു = കണ്ടു (ത കാരം പോയി ട കാരം വന്നു) നിലം + അറ = നിലവറ (അം കാരം പോയി വ കാരം വന്നു) (രണ്ടു തരത്തിലുള്ള വ്യഞ്ജനങ്ങള് അടുത്തടുത്ത് വരുമ്പോള് ഉച്ചാരണ ക്ലേശം ഒഴിവാക്കാനാണ് ഈ മാറ്റം.)

പിരിച്ചെഴുതുക

17.അവനോടി

18.വിണ്ടലം 

19.നെന്മണി 

20.വെണ്മ

അവൻ + ഓടി = അവനോടി (/ൻ/ > /ന/) വിൺ + തലം = വിണ്ടലം (/ത/ > /ട/) നെൽ + മണി = നെന്മണി (/ല/ > /ന/) വെള്+ മ = വെണ്മ

പിരിച്ചെഴുതുമ്പോള്‍ ആദ്യപദം ചില്ലുകളില്‍ 

(ല്-ല്‍, ന്-ന്‍, ള്-ള്‍, ര്-ര്‍, ണ്-ണ്‍) 

അവസാനിക്കുകയോ 

'ം'(അനുസ്വാരം) അവസാനിക്കുകയോ 

ചെയ്യുകയാണെങ്കില്‍ 

മിക്കവാറും 

അത് ആദേശസന്ധിയാണ്.

ഉദാ : വിണ്‍ + തലം           = വിണ്ടലം

            കണ്‍ + നീര്‍  =  കണ്ണീര്‍

            എണ്‍ + നൂറ്            = എണ്ണൂറ്

            നെല് + മണി            = നെന്മണി

            മരം + കള്‍    = മരങ്ങള്‍

            പെരും + പറ           = പെരുമ്പറ

            നിന്‍ + കള്‍    = നിങ്ങള്‍

1.താഴെ തന്നിരിക്കുന്നതിൽ "ആഗമസന്ധി'ക്കുദാഹരണമേത്?
a) വിണ്ടലം
b) അക്കാലം
c) തിരുവോണം
d) കണ്ടില്ല

1.തിരുവോണം