malayalam-sandi part 1 സന്ധി part 1

സന്ധി

10 മാർക്കിന്റെ മലയാളം ഭാഷാ വിഭാഗം.ഇതിൽ 'സന്ധി' ഒരു സ്ഥിരം ചോദ്യം.

രണ്ടു വർണ്ണങ്ങൾ തമ്മിൽ ചേരുമ്പോൾ ഉണ്ടാകുന്ന മാറ്റത്തെ സന്ധി എന്നു പറയുന്നു.

സന്ധി പഠിക്കണമെങ്കിൽ ആദ്യം സ്വരാക്ഷരങ്ങളും, വ്യഞ്ജനാക്ഷരങ്ങളും അറിഞ്ഞിരികണം.

സന്ധി പ്രധാനമായും 4 തരം;(ന്ധിക്കുന്ന വർണ്ണങ്ങൾക്ക് വരുന്ന മാറ്റത്തെ ആസ്പദമാക്കി സന്ധിയെ 4 ആയി തിരിക്കുന്നു)

ലോപം

ദിത്വം

ആദേശം

ആഗമം.

ചോദ്യങ്ങള്‍ എങ്ങനെ ?

1.നാല് വാക്കുകള്‍ (നാല് സന്ധിയില്‍പ്പെട്ടത്) തന്നിട്ട് അവയില്‍ നിന്ന് ഒരു സന്ധിക്ക് ഉദാഹരണം കണ്ടുപിടിക്കാന്‍.

2.മൂന്നുപദം ഒരു സന്ധിയില്‍പ്പെട്ടതും ഒരുപദം അല്ലാത്തതും തന്നിട്ട് അത്  ഏതില്‍പ്പെട്ടത്.

3.ഒരുവാക്ക് തന്നിട്ട് അത് ഏതു സന്ധിയില്‍പ്പെട്ടത് ?

4.ഒരു പദം തന്നിട്ട് അത് എങ്ങനെ പിരിച്ചെഴുതും ?

5.പിരിച്ചെഴുതിത്തന്നിട്ട് അത് ഏതു സന്ധിയില്‍പ്പെട്ടത് ? (സന്ധികളെക്കുറിച്ച് വ്യക്തമായ ഒരു ധാരണ ഇതിലേക്ക് ആവശ്യമാണ്.)

1. ലോപ സന്ധി

   

രണ്ടു വർണ്ണം ചേരുമ്പോൾ ഒരു വർണ്ണം ലോപിച്ചാൽ (കുറഞ്ഞാൽ ) ലോപസന്ധി

“അ ഇ എ ഉ" എന്നീ സ്വരാക്ഷരങ്ങളും,(സംവൃതം),

"യ ര ല" എന്നീ വ്യഞ്ജനാക്ഷരങ്ങ ളുമാണ്(അര്‍ദ്ധസ്വരങ്ങളായ മധ്യമങ്ങളുമാണ്)

കുറയുന്നത്

വരുന്നവർ' സന്ധിയേത്?

ഈ വാക്ക് ആദ്യം പിരിച്ചെഴുതുക;

   SHOW THE ANSWER.    വരുന്നവർ  = വരുന്ന + അവർ.      

'+' ചിഹ്നത്തിന് തൊട്ട് മുൻപിലോ, പിന്നിലോ

മുകളിൽ തന്ന അക്ഷരകൂട്ടത്തിലെ ഏതെങ്കിലും

വാക്ക്  ഉണ്ടോ എന്ന്  നോക്കുക:

   SHOW IT  ഉണ്ട്, = 'അ'      

ഇനി,ചോദ്യത്തിലെ ഒറ്റവാക്ക് നോക്കുക;

അവിടെ 'അ' വരാതെയും,

മറ്റ് അക്ഷരങ്ങൾ പുതുതായി വന്ന്

ചേരാതെയുമിരുന്നാൽ ആ വാക്ക് ലോപസന്ധിയാണ്.

വരുന്ന + അവർ = വരുന്നവർ.

പിരിച്ചെഴുതുക

പാക്കപ്പൽ?

പായ് + കപ്പൽ. = ഇവിടെ 'യ' കുറഞ്ഞു. '+' ന് ശേഷമുള്ള വാക്ക് ഇരട്ടികുന്നത് കൊണ്ട് പ്രശന്മില്ല. ഇതിനെ ദിത്വസന്ധിയായും കാണാം.

പലേടങ്ങൾ?

പല + എടങ്ങൾ =ഇവിടെ 'എ' കുറഞ്ഞു.

പെറ്റമ്മ?

പെറ്റ + അമ്മ = ഇവിടെ 'അ' കുറഞ്ഞു.

കാറ്റടിച്ചു.

കാറ്റ് + അടിച്ചു = കാറ്റടിച്ചു. ('റ്റ്' എന്നതിലെ സംവൃതം കുറഞ്ഞു)

കൊടുത്തില്ല.

കൊടുത്തു + ഇല്ല = കൊടുത്തില്ല.

പിരിച്ചെഴുതുക
1.വരികെടോ
2.തണുപ്പുണ്ട്
3.ഇല്ലെന്ന്
4.വരാതിരുന്നു
5.പാക്കപ്പല്
6. കടപ്പുറം

1.വരിക + എടോ = വരികെടോ
2,തണുപ്പു് + ഉണ്ട് = .തണുപ്പുണ്ട് ( (“പ്പു് “എന്നതിലെ സംവൃതം കുറഞ്ഞു)
3.ഇല്ല + എന്ന് = ഇല്ലെന്ന് ('ല്ല' എന്നതിലെ 'അ' കാരം ലോപിച്ചു) പോയി + ഇല്ല = പോയില്ല ('യി' എന്നതിലെ 'ഇ' കാരം ലോപിച്ചു)
4.വരാതെ + ഇരുന്നു = വരാതിരുന്നു ('തെ' എന്നതിലെ 'എ' കാരം കുറഞ്ഞു)
5.പായ് + കപ്പല് = പാക്കപ്പല് ('യ്' എന്ന മധ്യമ വര്ണ്ണം കുറഞ്ഞു)
6.കടല്+പുറം = കടപ്പുറം ('ല്' എന്ന മധ്യമവര്ണ്ണം കുറഞ്ഞു)
പായ്ക്കപ്പല്, കടപ്പുറം എന്നിവയില് 'പ' എന്നതു ഇരട്ടിച്ചതുകൊണ്ട് ദ്വിത്വസന്ധിയിലും ഉള്പ്പെടുത്താം.

മുൻചോദ്യങ്ങൾ
 കാറ്റടിച്ചു, പൂവമ്പ്, തണുപ്പുണ്ട്, തെല്ലിട, വിണ്ണാർ, കണ്ടില്ല, കേട്ടില്ല, ചെയ്തെങ്കിൽ.
 ചൂട് + ഇല്ല = ചൂടില്ല (ചന്ദ്രക്കല ലോപിച്ചു)
 കാണുന്നു + ഇല്ല = കാണുന്നില്ല (ഉ കാരം ലോപിച്ചു)
 വെള്ള + ഇല = വെള്ളില (അ കാരം ലോപിച്ചു